سالفة والهه رباط

اذهب الى الأسفل

سالفة والهه رباط

مُساهمة من طرف عماد الصكبان في السبت يونيو 23, 2018 3:19 pm

لسلام عليكم سالفه ورباط وحكمه
وحسچه بليغه
.................................
احدالشيوخ انطه بنته فصل لعشيره من العشائر لان واحد من أبناء عمومته گضله واحد وتولاه بخنجره مناه لمن خلص عليه وكتله بمچانه بعدها بفتره حولت الكاتل وفصلت وچان الفصل هو بت من بنات شيخ وتزوجه اخو المكتول بقت عنده فتره سنه او اكثر ذاك اليوم تمرض ومات ضلت المره وماخلفت من عنده كفت الوادم الفاتحه غير كون المره ترد لهلها ...الجماعه گالو لا المره ماترد تخلص العده وياخذها ابن عمه لو اخوه الآخر ...صارت طلايب ومهادد بين( بيناتهم) والجماعه ..فقرروا يروحن للفراضه .... والله گول حولوا عنده گال للجماعة سولفولي سالفتكم سولفوا گالوله جماعة شيخ كتلوا من عدنه زلمه وأخذنا منهم فصل مره والمره تزوجها اخونا واخونا اخذلها فتره سنه ومات وابوها هسه جاينا يريد يأخذها واحنه ماننطيها نريد نزوجها لواحد من العشيره ..
التفت على الشيخ گاله سولف سالفتك
شيخ گال اريد قرشه ...القرشه تشبه النرگيله مصنوعه من الطين وبيها طرف من الگصب ويخلون بيها التتن ويدخنونها المهم عمروا القرشه وجابوها لشيخ دخن منها وانطاها لواحد گاعد بصفه گاله اشرب منها وانطيها للبصفك مناه لمن افترت على الديوان كله ..عاد هناه الشيخ گال هاي سالفتي ياابن يافريضة ضلت الوادم واحد صافن بوجه الآخر شنو قصده وشيگول مايندره ولكن الفريضة أدرك حكمة الشيخ والحسچه الحقيقيه ومايقصد
سولف الفريضة گالهم تدرون شيگول الشيخ گالوله هو حتئ ماسولف كالهم لا سولف سالفه ورباط وملح وحسچه يگول المره مو قرشه وتضل تفتر على العشيره كل مايموت واحد ياخذه اخوه ...المره ترد ويه ابوها وكل حگ ماالكم ..الشاهد للتاريخ فقط بووووووووووووووووويه
ترئ صدك هواي ناس ماتسولف بس اكو كلام ومعنئ بليغ في حركات الرجال (الروايه منقوله
avatar
عماد الصكبان
Admin

المساهمات : 13
نقاط : 36
تاريخ التسجيل : 23/06/2018
العمر : 48

معاينة صفحة البيانات الشخصي للعضو http://diwanyah.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى